Report Summary
Chaidh an sreath seo de dhuilleagan fiosrachaidh, a tha air an amas don phoball agus furasta a chleachdadh, a dheasachadh gus sealladh a thoirt air na buannachdan aig dòighean obair-phoileis ùra agus aig leasachaidhean a tha ri thighinn, na poileasaidhean a bhios gan riaghladh, agus dè tha seo a’ ciallachadh a thaobh chòraichean eiticeil, prìobhaideachd is daonna.
Duilleag Fiosrachaidh 4 - Naloxone
Sùil air adhart
Tha rùn aig Poileas Alba fhathast air sàbhailteachd is deagh-chor sluagh na dùthcha a leasachadh. Mar a chithear gu soilleir leis a’ mheudachadh às ùr ann am bàsan co-cheangailte ri drogaichean, feumar atharrachadh a thoirt air an dòigh sa bheilear a’ dèiligeadh ri cron co-cheangailte ri drogaichean.
Chan fhuilear do bhuidhnean poblach, gu h-àraidh luchd-freagairt na sràide, smaoineachadh air dòighean ùr dèiligeadh ris a’ chàs seo.
’S e dian-fhreagairt a th’ anns a’ phròiseact Naloxone a chuireadh gu deuchainn le Poileas Alba ris na chaidh mìneachadh leis an riaghaltas mar ‘cùis-èiginn slàinte a’ phobaill’.
Le bhith a’ gabhail ceumannan iomchaidh airson cron a lùghdachadh gus dèiligeadh ri mì-chleachdadh dhrogaichean, dh’fhaodadh am pròiseact pìolait a bhith mar chaibideal ùr san dòigh sa bheil Alba a’ làimhseachadh nan ceanglaichean aice ri drogaichean.
