Report Summary
Chaidh an sreath seo de dhuilleagan fiosrachaidh, a tha air an amas don phoball agus furasta a chleachdadh, a dheasachadh gus sealladh a thoirt air na buannachdan aig dòighean obair-phoileis ùra agus aig leasachaidhean a tha ri thighinn, na poileasaidhean a bhios gan riaghladh, agus dè tha seo a’ ciallachadh a thaobh chòraichean eiticeil, prìobhaideachd is daonna.
Duilleag Fiosrachaidh 5 - Camara-bodhaig
Dè a th’ ann an Camara-bodhaig?
’S e Camara-bodhaig (BWV) uidheam as urrainnear cur ort agus fuaim is bhideo a chlàradh. Tha uidheaman BWV ri fhaighinn ann an diofar dhreachan fiosaigeach is teicnigeach, ach aig a’ cheann thall, tha na h-aon bun-fhoincseanan orra le chèile. Thathar ga chosg thairis air a’ bhroilleach no air muin clogaid ann am bitheantas.
Ged a tha BWV nas aithnichte ann an obair-phoileis, thathar ga chleachdadh ann an spòrsan is dibhearsan cuideachd, obair-smàlaidh is mion-reic agus tha e air a sìor-chur gu feum ann an suidheachadh cùraim-shlàinte.
