Report Summary
Chaidh an sreath seo de dhuilleagan fiosrachaidh, a tha air an amas don phoball agus furasta a chleachdadh, a dheasachadh gus sealladh a thoirt air na buannachdan aig dòighean obair-phoileis ùra agus aig leasachaidhean a tha ri thighinn, na poileasaidhean a bhios gan riaghladh, agus dè tha seo a’ ciallachadh a thaobh chòraichean eiticeil, prìobhaideachd is daonna.
Duilleag Fiosrachaidh 1 – Teusairean
Dè na barantasan sàbhailteachd a tha suidhichte?
Tha Poileas Alba a’ leantainn ri Riaghailt-chleachdaidh Colaiste Obair-poileis a thaobh Obair-phoileis Armaichte agus cleachdadh bhuill-airm nach eil cho bàsmhor leis a’ Phoileas . Tha seo a’ treòrachadh agus a’ toirt fios mu ciamar a bhios oifigearan air feadh na dùthcha ag ùisneachadh uidheaman Teusair ann an seaghan àraidh.
Gach turas a thèid Teusair a chleachdadh le oifigear Poileas Alba, tha aithisg Co-èigneachaidh ga lìonadh airson feum a’ chleachdaidh a chlàradh ann an sgrìobhainn agus sgrùdadh air cur-an-gnìomh Teusair a dhèanamh. Ann an Alba, tha Teusairean gan cleachdadh le Aonad Armaichte a’ Phoileis bho 2015. Sna sia bliadhna a dh’fhalbh, chaidh Teusairean a thilgeil 25 uairean le Aonad Armaichte a’ Phoileis.
