Adhbhar

Tha rùn aig a’ Phlana Poileis Ro-innleachdail air obair-phoileis ullachadh airson Alba a dhèanamh sàbhailte, dìonta is seasmhach. Le seo, feumar seirbheisean a dhealbhadh ’s a ghlèidheadh gus an tig iad suas ri iarrtasan a tha ag èirigh ’s a’ mùthadh ann an àrainneachd a bhios ag atharrachadh gun sguir. Gus tighinn suas ris na h-iarrtasan seo an-dràsta agus san àm ri teachd, feumaidh seirbheis poileas na h-Alba dèanamh suas agus gabhail ri dòighean obrachaidh, poileasaidhean is teicneòlasan ùra a bheir comas dhaibh sàbhailteachd is deagh-chor ar coimhearsnachdan a dhìon (mar a rinneadh iomradh ann am Prionnsabalan Obair-phoileis - Earrann 32 de dh’Achd Ath-Leasachadh a’ Phoileis is Luchd-smàlaidh (Alba) 2012).

Chaidh an sreath seo de dhuilleagan fiosrachaidh, a tha air an amas don phoball agus caomhail don chleachdaiche, a dheasachadh gus sealladh a thoirt air na buannachdan aig dòighean obair-phoileis ùra agus aig leasachaidhean a tha ri thighinn, na poileasaidhean a bhios gan riaghladh, agus dè tha seo a’ ciallachadh a thaobh chòraichean eiticeil, prìobhaideachd is daonna. Cuideachd, dh’fhoillsich Poileas Alba agus Ùghdarras Poileas na h-Alba raon de stuthan co-cheangailte a thèid am post-sheòladh aig deireadh na sgrìobhainn seo fa chomhair tuilleadh leughaidh.