Report Summary
Chaidh an sreath seo de dhuilleagan fiosrachaidh, a tha air an amas don phoball agus furasta a chleachdadh, a dheasachadh gus sealladh a thoirt air na buannachdan aig dòighean obair-phoileis ùra agus aig leasachaidhean a tha ri thighinn, na poileasaidhean a bhios gan riaghladh, agus dè tha seo a’ ciallachadh a thaobh chòraichean eiticeil, prìobhaideachd is daonna.
Duilleag Fiosrachaidh 8 - Earbsa a’ phobaill ann an obair-phoileis
Earbsa co-cheangailte ri smuaintean air poileas ionadail
Tha ar n-anailis staitistigeach a’ nochdadh co-dhàimhean fàbharach, làidir airson earbsa a’ phobaill ann an:
smuaintean a thaobh poileas ionadail a’ dèanamh obair mhath san sgìre
èisteachd ri draghan muinntir an àite; agus
dèiligeadh ri cùisean a bheir buaidh air sgìrean ionadail.
Gheibhear co-dhàimhean fàbharach, cuimseach le smuaintean gu bheil oifigearan poileis càirdeil is so-ruighinn; spèis don phoileas san sgìre ionadail; agus, faireachadh sàbhailteachd san sgìre ionadail. Chithear na nithean sa bheil co-dhàimhean fàbharach, làidir gan nochdadh a thaobh earbsa a’ phobaill ann am Figear 7 gu h-ìosal.
