Report Summary
Chaidh an sreath seo de dhuilleagan fiosrachaidh, a tha air an amas don phoball agus furasta a chleachdadh, a dheasachadh gus sealladh a thoirt air na buannachdan aig dòighean obair-phoileis ùra agus aig leasachaidhean a tha ri thighinn, na poileasaidhean a bhios gan riaghladh, agus dè tha seo a’ ciallachadh a thaobh chòraichean eiticeil, prìobhaideachd is daonna.
Duilleag Fiosrachaidh 8 - Earbsa a’ phobaill ann an obair-phoileis
A’ tuigsinn earbsa a’ phobaill agus crois-rathadachas
Ged a tha a’ phrìomh staitistigs mu dhèanadas a’ phoileis fàbharach, tha anailis ùine crois-rathadach a’ toirt sealladh nas toinnte. Bho rinneadh anailis dà-chaochladair is ioma-chaochladair air sgrùdaidhean beachd a’ phobaill aig Riaghaltas na h-Alba is SPA, chaidh grunn cohorts a chomharrachadh a thèid nam prìomh raointean amais don obair a tha ri thighinn.
Mar a chaidh a mhìneachadh sna h-earrainnean a leanas, tha na cohorts seo nan roinnean den t-sluagh:
a bhios a’ nochdadh gu cunbhalach aig fìor iomallan àrda agus ìosal nam beachdan thairis air na bliadhnaichean;
aig an robh beachdan a bha air udal eadar na fìor iomallan as àirde agus as ìsle dhen dàta thairis air na bliadhnaichean; no
aig an robh beachdan a bha gu math eadar-dhealaichte bho an coimeasaiche.
Boireannaich nas òige (16-24) sa chumantas agus fireannaich is boireannaich nas òige (16-24) ri tìde a’ phandemic.
Tha boireannaich nas òige nas coltaiche air measadh gun robh am poileas san sgìre aca a’ dèanamh obair ‘Glè Mhath/math’ na daoine nas sine ann an SCJS 2016/17 - 2019/20 (faic Figear 8). Gidheadh, chaidh an treand seo air ais ann an sgrùdaidhean an Ùghdarrais, oir bha na bu lugha coltais air boireannaich nas òige (16-24) a bhith dhen bheachd seo gu cunbhalach.
Thàinig coltas gu math na bu lugha air boireannaich 16-24 gu h-àraidh a bhith a’ taghadh seo an taca ris na h-aoisean eile bho Ceum 2 (Cèitean 2020). ’S e reata a’ Chèitein 2020 aig an Ùghdarras de 25% airson boireannaich (16-24) an reata as ìsle àite sam bith san sreath-dàta, ged a bha an reata fireannaich (16-24) san aon sgrùdadh aig 45%.
A thaobh fireannaich, tha Figear 9 a’ nochdadh gun robh luasgaidhean nas cudromaiche aig aoisean 25-34 na aoisean eile. A bharrachd air sin, tha fireannaich aois 16-24 air a bhith nas fhàbharaiche gu cunbhalach mu dhèanadas a’ phoileis an taca ri aoisean eile. Gidheadh, chunnacas luasgadh sna sgrùdaidhean Ùghdarrais, oir dh’atharraich fireannaich aois 16-24 a b’ eu-coltaiche ‘Glè mhath/math’ a thaghadh sa Ghiblean 2020 gu bhith am measg nan aoisean as fhàbharaiche sa Chèitean 2020 agus san Dàmhair 2020, a’ cromadh a-rithist gu bhith na bu mhì-fhàbharaiche sa Ghearran 2021.
A thaobh nan roinnean aoise eile, chunnacas an caochladh le beachdan fàbharach aig fireannaich a’ cromadh eadar Giblean is Cèitean 2020, ag èirigh eadar Cèitean is Dàmhair 2020, ’s ag èirigh a-rithist (no gun atharrachadh) eadar Dàmhair 2020 is Gearran 2021.
Fo aois 35 (16-24 agus 25-34) sna 15% de sgìrean as easbhaidhiche
Tha an sgaradh eadar luchd-freagairt sna 15% de sgìrean as easbhaidhiche agus Alba air fad nas motha na airson aoisean nas òige, oir tha an sgaradh as motha sna h-aoisean 16-24 agus às dèidh sin sna h-aoisean 25-34 – faic Figear 10. Gheibhear saoradh àraidh bho seo ann an SCJS 2019/20 far a bheil an sgaradh as motha ann an aoisean 35-44, le diofar 17 puingean de cheudad eadar an fheadhainn sna 15% de sgìrean as easbhaidhiche (41%) agus an còrr (58%) – air an leantainn le 16-24 agus 25-34.
Fireannaich agus boireannaich sna 15% de sgìrean as easbhaidhiche
Tha fireannaich agus boireannaich sna 15% de sgìrean as easbhaidhiche gu cunbhalach nas mì-fhàbharaiche mu dhèanadas a’ phoileis na feadhainn sa chòrr – faic Figear 11.
Boireannaich aois 25-44 agus fireannaich fo 35 (16-24 agus 25-34) sa 15% de na sgìrean as easbhaidhiche
Tha boireannaich aois 25-34 sa 15% de sgìrean as easbhaidhiche air dhol gu cunbhalach nas mì-fhàbharaiche mu dhèanadas a’ phoileis bho 2016/17 – faic Figear 12. Fhuaras lùghdachadh sna h-aoisean 35-44 cuideachd bho 2017/18. Chunnacas gu h-àraidh lùghdachadh de 20 puing a cheudad airson boireannaich 35-44 sa 15% de sgìrean as easbhaidhiche eadar SCJS 2019/20 agus SVTS 2020 (42% gu 22%) ged a dh’èirich beachdan fàbharach aig fireannaich sna h-aon aoisean bho 40% gu 56%.
Tha Figear 13 a’ nochdadh cuideachd gun do dhlùthaich a’ chuid de dh’fhireannaich aois 16-24 is 25-34 a shaoil gun robh am poileas ri obair ‘Glè mhath/math’ sa 15% de sgìrean as easbhaidhiche an taca ris a’ chòrr de dh’Alba gach bliadhna – ach a-mhàin SVTS 2020.
