Report Summary
Tha dreuchdan agus dleastanasan Ùghdarras Poileas na h-Alba (an t-Ùghdarras) agus Poileas Alba a thaobh planadh ro-innleachdail air am mìneachadh ann an Achd Ath-leasachadh Poilis is Smàlaidh (Alba) 2012 aig Earrannan 34 agus 35.
Fon Achd, tha uallach air an Ùghdarras airson Plana Ro-innleachdail Poilis a dheasachadh agus tha Àrd-Chonstabal Poileas Alba an sàs ann a bhith ga dheasachadh.
Tha co-chòrdadh an stiùiridh ro-innleachdail, agus prìomhachasan airson obair phoilis, planadh agus measadh dèanadais air a mhìneachadh sa Phlana seo.
Feumaidh am Plana Ro-innleachdail Poilis airson Alba seo cead ministreil mus tèid fhoillseachadh agus a chur fa chomhair na Pàrlamaid.
Lèirsinn, luachan agus adhbhar
Tha an t-Ùghdarras agus Poileas Alba a’ co-roinn lèirsinn airson obair-phoilis ann an
Alba a tha a’ nochdadh luachan sònraichte gach buidheann agus adhbhar coitcheann obair-phoilis, mar a tha air a mhìneachadh ann an Achd Ath-leasachadh Poilis is Smàlaidh (Alba) 2012.
Lèirsinn Ùghdarras Poileas na h-Alba: Obair-phoilis air Leas a’ Phobaill
Luachan Ùghdarras Poileas na h-Alba: Treibhdhireas, Spèis agus Seirbhis Phoblach
Lèirsinn Co-phàirtichte airson obair-phoilis: Obair-phoilis airson Alba shàbhailte, dhìonta is fhoghainteach
Luachan Poileas Alba: Cothromachd, Treibhdhireas, Spèis agus Còraichean Daonna
Adhbhar Obair-phoilis: Sàbhailteachd is sunnd dhaoine, àiteachan agus coimhearsnachdan ann an Alba a leasachadh
