Buil 5

Buil 5: Tha poileasadh seasmhach, sùbailte agus ullaichte airson dùbhlain san àm ri teachd

Dùbhlain is cothroman

Dlùth-gabhaidh Poileas Alba ri ùr-ghnàthachas, a’ toirt dùbhlan dha fhèin agus do chom-pàirtichean a bhith a’ co-obrachadh gu seasmhach. Bidh cruth-atharrachadh air seirbheisean obrachaidh is taice a’ dèanamh làn fheum de so-mhaoin a dh’fhaodadh a bhith aig a’ phoileas agus a’ cuideachadh le an luach as fheàrr a lìbhrigeadh.

Bidh obair a’ phoilis a’ sìor atharrachadh. Tha atharrachaidhean leantainneach poilitigeach, eaconamach agus sòisealta a’ toirt air seirbheis a’ phoilis gabhail ri dùbhlain san àm ri teachd agus dèiligeadh riutha agus na buannachdan as motha fhaighinn bho chothroman san àm ri teachd.

Dùbhlain an latha an-diugh

Chan eil cothrom gu leòr aig luchd-obrach a bhith a’ moladh leasachadh. Dìth shiostaman co-fhillteachd, ag adhbharachadh neo-èifeachd is dùbhlachadh saothrach

Comas a bhith ag obair gu seasmhach air a chuingealachadh. Tha sinn a’ cumail an-àirde oighreachd mhòr, aosta agus an cabhlach solais ghuirm as motha ann an Alba

Tha structaran riaghlachais toinnte a’ cur bacadh air fiùghantachd codhùnaidhean, freagairtean èifeachdach agus liubhairt leasachaidhean.

Obair-phoilis san àm ri teachd

Tha sinn a’ gabhail ri beachdan ùra, innleachdas is teicneòlasan, ag ionnsachadh bhon chleachdadh as fheàrr

Is e seasmhachd àrainneachdail an àbhaist anns gach pàirt den bhuidhinn againn

Nì sinn cinnteach gu bheil an structar agus riaghladh ceart againn agus gu bheil sinn a’ dèanamh nan co-dhùnaidhean ceart gus an luach as fheàrr a lìbhrigeadh thar na seirbheis

Gus a’ bhuil seo a choileanadh, bidh Poileas Alba:

A’ cleachdadh dhòighean innleachdach gus a chomas is comasachd airson lìbhrigeadh seirbheis èifeachdaich a luathachadh

A’ gealltainn deagh bhuaidh a thoirt gu buil tro sheasmhachd àrainneachdail air leth

A’ cur taic ri obair phoilis tro na h-innealan didseatach iomchaidh agus lìbhrigeadh an luach as fheàrr

Cleachd dòighean innleachdach gus a chomas is comasachd airson lìbhrigeadh seirbheis èifeachdaich a luathachadh

Tha a’ bhuil air an àrainneachd shòisealta, phoilitigeach is eaconamach an-dràsta gum feum sinn ar seirbheisean poilis atharrachadh airson a h-uile coimhearsnachd ann an Alba a chumail sàbhailte. Leanaidh Poileas Alba oirnn a’ brosnachadh ar daoine gus dùbhlan a thoirt don t-suidheachadh a th’ ann, gan aithneachadh nuair a mholas iad dòighean nas fheàrr is nas èifeachdaiche air rudan a dhèanamh. Brosnaichidh Poileas Alba for-ghnìomhachd is fuasgladh dhuilgheadasan.

Tha rùn aig Poileas Alba obair còmhla ri com-pàirtichean nan seirbheisean èiginn, mar aithne gur e co-obrachadh nas dlùithe a lìbhrigeas buannachdan air feadh nan seirbheisean sin. Obraichidh Poileas Alba an com-pàirteachas le buidhnean nan roinntean poblach, treasach is prìobhaideach eile cuideachd gus cothroman is bagairtean aithneachadh, agus sinn a’ lorg fuasglaidhean innleachdach còmhla ri chèile. Feumaidh seo dòigh cho-obrachail agus dòigh a nì cinnteach gu bheil dàta agus fiosrachadh air an co-phàirteachadh taobh a-staigh crìochan an reachdais, a chòrr air inbhean prìobhaideachd is beusanta aontaichte.

Leanaidh Poileas Alba oirnn a’ greasadh air adhart agus a’ toirt taic do leasachadh air feadh na buidhne. Bidh seo a’ toirt a-steach teicneòlas a chleachdadh anns na hàiteachan ceart gus atharrachadh mar a thèid rudan a dhèanamh, a’ cruthachadh fhuasglaidhean nas fheàrr airson an ama ri teachd. Bidh na daoine againn sùbailte agus sgiobalta, leis a’ chomas, na sgilean agus na h-innealan a tha riatanach gus taic a thoirt do innleachdas.

A’ gealltainn deagh bhuaidh a thoirt gu buil tro sheasmhachd àrainneachdail air leth

Dheasaich Poileas Alba sreath de ro-innleachdan coiliontach a shuidhicheas rùn airson seasmhachd, agus amasan gus buaidh gnìomhachd, oighreachdan is cabhlaich air an àrainneachd a lùghdachadh. Cuiridh Poileas Alba gu mòr ri targaidean Riaghaltas na h-Alba a bhith carbon neodrach ro 2040 agus gun sgaoileadh gasaichean taigh-glainne sam bith a bhith ann ro 2045. A chòrr air seo, brosnaichidh an t-seirbheis com-pàirtichean is luchd-solair òrdachaidh gus an leithid ceudna a dhèanamh.

Tha Ro-innleachd Àrainneachdail Poileas Alba a’ cumail ris na chaidh coileanadh roimhe agus a’ tomhadh ris an dòigh san cumar taic ri feachd-obrach a’ phoilis gus an obraich e gu seasmhach, iomairtean gus bith-iomadachd a leasachadh agus buil a’ charboin a lùghdachadh feadh oighreachd a’ phoilis, agus an uallach air Poileas Alba airson cor nan coimhearsnachdan ionadail ath-leasachadh.

Tha Ro-innleachd Cabhlach Poileas Alba a’ toirt suidheachadh, feallsanachd agus clàr-ùine airson dealanachadh a’ chabhlaich gu lèir ro 2030. Leanaidh an t-seirbheis oirre a’ cur an-sàs nan rùintean a thaobh cabhlaich sheasmhaich, mar thaic do lìonra còmhdhail dealain nas fharsainge san roinn phoblach.

Tha Ro-innleachd nan Oighreachdan ag aideachadh gu bheil gnè-fhàs ga thoirt air seirbheisean poilis air leth mar fhreagairt do dh’iarrtasan atharrachail, a’ tomhadh, far a bheil e pragtaigeach, ri reiceadh seann-togalaichean agus ath-àiteachadh gu togalaichean nuadh, lùth-èifeachdach far an urrainn don phoileas co-àiteachadh le seirbheisean èiginn eile, agus com-pàirtichean poblach is treas roinne.

Bidh e riatanach airson soirbheachadh gum faighear ìrean iomchaidh ionmhais bho Riaghaltas na h-Alba, agus airson taic a chumail ri atharrachadh seasmhach a lìbhrigeadh air feadh na buidhne. Bheir seo cothrom do lùghdachadh sna thathar a’ caitheamh de stòrasan agus obrachadh nas dlùithe le com-pàirtichean na roinne poblaich airson amasan co-phàirtichte a choileanadh.

A’ cur taic ri obair-phoilis tro na h-innealan didseatach iomchaidh agus lìbhrigeadh an luach as fheàrr

Bheir grunn ro-innleachdan is planaichean co-chòrdaichte taic don Phlana Poilis Roinnleachdail seo. Tha iad seo a’ mìneachadh mar a dh’atharraicheas Poileas Alba prìomh-raointean leithid ICT, oighreachdan agus cabhlach. Tha e deatamach gun toirear fon bheachd mar a thèid na planaichean co-cheangailte seo a lìbhrigeadh còmhla ri chèile.

Gus an tèid dhuinn obair-phoilis a lìbhrigeadh, feumaidh sinn dèanamh cinnteach gu bheil na seirbheisean taice againn air an eagrachadh gus a bhith cho èifeachdach, tarbhach agus sùbailte ’s a ghabhas. Feumaidh seirbheisean taic a bhith air an uidheamachadh leis an teicneòlas iomchaidh agus feumaidh ruigsinneachd a bhith aca air fuasglaidhean dàta agus didseatach gus a dhèanamh gu h-èifeachdach. Mar sin, bithear a’ tasgadh airgead airson am bun-structar ceart a chur ri chèile mar thaic do ath-nuadhachadh agus aonachadh.

Cleachdaidh Poileas Alba fiosrachadh stiùiridh mu dhèanadas agus iarrtas, còmhla ri eòlas agus anailisean ro-innse gus na co-dhùnaidhean ro-innleachdail agus innleachdach as fheàrr a dhèanamh. Thèid am modail obrachaidh airson obairphoilis a chumail fo sgrùdadh agus thèid atharrachadh a rèir sin nuair a chomharraichear no a dh’fheumar dòighean-obrach ùra no eile. Taisgidh Poileas Alba airgead ann an cleachdadh dàta, didseatachd, anailis agus faisneis.

Tha làn-rùn aig Poileas airson an luach as fheàrr a dhearbhadh. Ach, tha an suidheachadh ionmhasail, gach cuid calpa agus teachd-a-steach, fhathast fo uallach. Thèid co-dhùnaidhean sam bith a thaobh tasgadh no èifeachdas a dhèanamh gu ciallach, gun a bhith a’ bualadh air riatanasan obrachaidh.

Tha pàirt aig gach neach ann a bhith a’ leasachadh seasmhachd ionmhais, a’ dèanamh feum èifeachdach de ghoireasan agus a’ cur às do ana-caitheamh gus an luach as fheàrr a lìbhrigeadh. Bidh solarachadh agus iarrtas airson bathar agus seirbheisean fhathast fo sgrùdadh, a’ dèanamh cinnteach gu bheil goireasan air an cleachdadh anns an dòigh as èifeachdaiche a ghabhas dèanamh gus coinneachadh ris an fheum as motha.